افضل الالعاب من وجهة نظري

بسم الله الرحمن الرحيم

الـسـلام عـلـيـكـم ورحـمـة الله وبـركـاتـه

مساء الخـيـر يـا قـاري مـقـالـي
مساءك شوق مع عطر الـورود

مساءك فـل مـع كـادي وجـوري
مساءك مسك مع عنـبـر وعـود

أخبارك كيف وعلومك يا غالـي
عسـاك بخير يـا أحلى الـوجـود

الصراحة انا شفت المنتدى فاضي فقلت ابدا باول موضوع للتعريف عن العاب الجيمز للـPC
لانها بصراحة عالم ثاني اذا جربتها مره ماراح تتركها لانها راح تغير مفهومك للالعاب بصفة عامة

طبعا هذي الالعاب تلعبها عن طريق النت online و هناك امور لازم توفرها اولها انه لازم يكون عندك اشتراك DSL ولازم يكون مواصفاة جهازك مناسبة للعبة فكل لعبة تختلف عن اللعبة الثانية من ناحية الصور والشي الثاني لازم تكون نسخة اللعبة اصلية علشان تلعب بالسيرفرات السعودية وتتوفر النسخ بمكتبة جرير والمحلات المختصة الثانية

نبدا اولها بلعبتي المفضلة Counter Strike 1.6


طبعا اللعبة هذي ممكن احد يستخف فيها لبساطة الصور لكن يوجد بها متعة غير طبيعية
وهذي اللعبة سهلة جدا هي عبارة عن الارهابيين ضد مكافحة الارهاب اذا كنت ارهابي هدفك انك تزرع القنبلة او تقتل كل فريق مكافحة الارهاب
وعشان تزرع القنبلة فيه مكانين محددين تحاول توصل لهم اذا زرعت القنبلة لازم تضمن انها راح تنفجر وتمنع فرقة المكافحة من انهم يفكون القنبلة قبل لا تنفجر
هذا شرح مبسط للعبة لكن يوجد بها اشياء كثيييرة
واللي يميزها اكثر من غيرها انه يوجد فيها مهارة يعني ممكن ان الواحد يكون محترف في هذي اللعبة ويشارك ببطولات مع فريقه ويكون فريقه مكون من خمسة افراد وتكون اللعبة خمسة ضد خمسة وهذي راح يتم شرحها بموضوع ثاني وفيه افرقة الان احترفة اللعبة وصار لهم راعين رسميين من شكات كبار مثل نسما واول نت
وهذي صورة لعبة



اللعبة الثانية هي لعبة Counter Strike Source



وهذي اللعبة بكل بساطة الاصدار الحديث من لعبة Counter Strike 1.6

والاختلاف تحسن كبير للصور واختلاف بسيط باللعب عن Counter Strike 1.6
ولكن المتعة موجودة فيها
وهذي صورة للعب



اللعبة الثالثة هي battle field 2 بمعنى ارض المعركة


وهذي اللعبة يجي منها اصدارات حمراء وخضراء وزرقاء وصفراء
وهذي الصورة للعبة شاملة لجميعها والفرق بينهم ان كل وحده لها اسلحة خاصة
وهي اسم على مسمى لانها تدخل جو حرب حقيقية دبابات وطيارات وهيليكوبترات وقصف واشياء رائعة جدا
وصور اللعبة ولا اروع وكل الدعوة باللعبة انه هناك مناطق فيها اعلام انت وفريقك تحاولون تستولون على هذي المناطق وكل ما استوليتم على مناطق اكثر نقاط الفريق الخصم تنقص والفريق اللي توصل نقاطة للصفر هو الفريق الخاسر واللي يميز هذي اللعبة انك تلعب بمنطقة كبيرة وعدد اللاعبين كثير وهناك انواع من السيرفرات اللي الغرف اللي انت تلعب فيها
فيه ما يسمى بسيرفرات الرانك وهي سيرفارت الرتب يعني كل ما تقتل او تتحتل لك منطقة تاخذ نقاط وهناك الميداليات اللي تشكل لك تحدي حيث يطلبون منك قتل عدة اشخاص بسلاح معين من دون ما تموت وزي كذا وفي رتب عديدة كل ما زادة نقاطك توصل لحد معين تترقى للرتبةولثانية وهكذا
وهذي صورة للعية




واذا مليت من جو الحرب والقتل هذي لعبة زي ما يقولون عالم ثاني عالم كامل داخل لعبة اللي هي لعبة واو او World of Warcraft او wow



هذي اللعبة لعبة طويلة على قولتهم راعية كيف القصة كلها انك تختار فريقين وكل فريق فيه اربع او خمس شخصيات تختار شكل الشخصية اللي انت تبغاها و تختلر القدرة الخاصة فيه السحر في قدرة القتال باستخدام الاسلحة وزي كذا
واذا اخترت الشخصية كل شخصية لها مدينة ولها مهمات خاصة اول ما تبدى اللعب تكون شخصيتك لفل 1 يعني المستوى الاول وهناك نقاط الخبرة اللي هي اكس بي تكون باللون الازرق علشان تزود نقاط الخبرة هناك طريقتين اما انك تقاتل الوحوش اللي تلقاهم اوانك تنفذ المهام وطبعا تقدر تشتر اسلحه وملابس علشان تزود قوة مقاتلك
وعيب هذي اللعبة انه علشان تلعبها لازم اشتراك شهري لكن كم سعرة للاسف ما ادري لاني ما فكرت اشتريها بس في ناس كثير مدمنين على هاللعبة
وتقدر تلعب بسيرفرات عادية وبالنسخة الكوبي يعني مو لازم تشتري اللعبة اصلية
وهذي صور للعبة



وهذي هي الاعاب المفضلة وهناك الكثير الكثير من الالعاب واي اضافات على الموضوع اكون شاكر لكم واي شخص اعجبته اي لعبة يروح لموقع YOUTUBE ويكتب اسم اللعبه اللي و يبغاه ويشوف طريقة اللعب

بس ودي اقول لكم ان كل لعبة ما تشتغل على اي جهاز يعني كل لعبة تشتغل على جهاز له مواصفات خاصة من كرت شاشة وماثار بورد وخرابيط وان كنت تفكر تشتري وحده
موجود مواقع لفحص جهازك ادخله ودور اسم اللعبه اللي انت تفكر تشتريها وحطها وشوف وش جهازك ناجح فيه ووش فاشل فيه واي اخطاء املائيه اعذرونا لاني اكتب وانا مغمض ودمتم سالمين